Rothenburg ob der Tauber -《追擊の巨人》場景取材地

黎到德國 Rothenburg ob der Tauber 羅騰堡，除左會俾呢個仍然停留喺中世紀面貎嘅古鎮所吸引，仲會覺得似層相識咁... 何解? 因為佢係《追擊の巨人》漫畫 及 迪士尼故事《Pinocchio》場景靈感之地呢！

羅騰堡係一個圍城小鎮，外圍嘅城牆，係呢個小鎮嘅靈魂所在！你可登上城牆上嘅木製的長廊慢走欣賞城中以木製砍德式小屋，在此影相打卡係必需的，因為真係好靚好有 feel！你亦可以登上 Roedertor Tower (登塔須付 €2 入場費)，俯瞰呢個屋頂全為橙色的追擊的古城，以及了解呢個百年堡壘嘅歷史！

另一個打卡熱點係位於城內 Plönlein (解作小廣場) 嘅 Siebers tower，係此城的代表，好多明信片都係用佢作景。亦因如此，人流車流甚多，商業味好重，除左少左分浪漫，要影一張靚相，都唔係易事！

Photo from tourismus.rothenburg.de 

Rothenburg ob der Tauber 地方唔大，stay 兩日一夜經已足夠。有時間的話，不妨遊走城邊小角落，你會發現，離開市中心後，其他無旅行團去嘅地方，比鐘樓來得更美，更可真正享受由中世紀流傳落黎嘅寧靜！ 

此外，仲要去埋著名嘅 Christmas Village！唔好誤會呢個唔係聖誕老人村，呢間全年都售賣/展出德國聖誕裝飾嘅舖頭，全部都好精緻，你會發現原來聖誕節係唔止得聖誕樹同燈飾呢！

最後，千萬唔好忘記品嘗此城獨有甜點 ─ Schneeball 呢！Schneeball 德文係雪球咁解，由一層糖或朱古力包住球形嘅餅，都幾好味架！好似韓國同香港都引入過 Schneeball，但就唔出名好快就消失了。

Rothenburg ob der Tauder 官網
tourismus.rothenburg.de

Facebook: Ms M Wanderlust