驚訝! 點解美國咁唔環保!

成日覺得西方人好環保，歐洲好多國家都做得好好，例如早喺十年前已經有自助回收機收吉膠樽，仲有回贈俾你喺超市當錢用；又或者完善嘅家居廢物回收程序 (徵費) 等等；

西方、developed countries 好環保呢個 perception 一直都根深柢固，直至剛剛去完美國西岸旅行，呢個 concept 完全被擊潰...... 點解美國人會咁唔環保架？某啲範疇比香港還要差！點解會咁架？

成日覺得美國人好關心氣候變化，當 Trump Trump 話要退出巴黎協議 (氣候變化約章) 時，美國人好似好反對好憤怒咁，無想過原來佢地只係講一套做一套架！ 

前年去 Seattle 同 Alaska 都未有咁大衝擊，但今次去到加州 Los Angels 同 Las Vegas，我覺得當地人同酒店嘅環保真係意識好低。

先講酒店，不論係 Motel 還是連鎖酒店，房內的杯 (甚至是浴室嘅潄口杯) 都係紙杯... 為保衞生，每隻紙杯再包上一層膠... 其實用玻璃杯唔得咩？食早餐嘅地方，全用發泡膠餐具碗碟，一個早餐時段，就用上幾百套即棄餐具，好唔環保呢...

到超級市場，唔會見到市民用環保袋，大家都用膠袋，聽移居左加洲嘅香港朋友講，就算佢地州實施膠袋徵費，主流社會都唔似香港咁推廣使用環保袋，而係各零售點會提供一啲厚啲嘅膠袋，鼓勵人將個膠袋用多幾次。朋友都話，膠多可以用多幾次嘅機會唔多，加厚左嘅膠袋，變相更加唔環保呢！但朋友都補多句，各個州都有唔同嘅政策，有啲州係好啲嘅....

今次去美國真係好大衝擊，希望下次去美國，佢地喺環保上面會有好大改善啦！